ఫ్యామిలీ ఆడియన్స్ దృష్టిని ఆకర్షిస్తున్న 2026 సంక్రాంతి సినిమాలలో 'మన శంకర వరప్రసాద్ గారు' ముందు వరుసలో ఉంటుంది. చిరంజీవి హీరోగా అనిల్ రావిపూడి దర్శకత్వంలో రూపొందించిన ఈ సినిమాలో వెంకటేష్ ప్రత్యేక పాత్ర పోషించడం అదనపు ఆకర్షణగా నిలిచింది. సంక్రాంతి కానుకగా జనవరి 12న విడుదల కానున్న 'మన శంకర వరప్రసాద్'పై భారీ అంచనాలు ఉన్నాయి. రీసెంట్ గా విడుదలైన ట్రైలర్ ఆ అంచనాలను రెట్టింపు చేసింది. (మన శంకర వర ప్రసాద్ గారు)

తాజాగా 'మన శంకర వరప్రసాద్ గారు' సెన్సార్ పూర్తి చేసుకుంది. సెన్సార్ బోర్డు నుంచి U/A సర్టిఫికెట్ లభించింది. రన్ టైంని 2 గంటల 42 నిమిషాలకు లాక్ చేసినట్లు సమాచారం.

'మన శంకర వరప్రసాద్ గారు' సెన్సార్ రిపోర్ట్ పాజిటివ్ గా ఉంది. అనిల్ రావిపూడి శైలిలో ఎంటర్టైన్మెంట్ అదిరిపోయిందట. ఇక చిరంజీవి కామెడీ టైమింగ్ ఏ రేంజ్ లో ఉంటుందో. తనదైన కామెడీ టైమింగ్ తో వన్ మ్యాన్ షోలా ఈ సినిమాని నడిపించారట. చిరంజీవి, నయనతార ట్రాక్ బాగుందట. ఫ్యామిలీ ఆడియన్స్ మెచ్చేలా కామెడీతో పాటు డ్రామా కూడా బాగా పండిందని అంటున్నారు. ఇక చివరిలో వెంకటేష్ రాకతో సినిమా నెక్స్ట్ లెవెల్ కి వచ్చిందని, చిరు-వెంకీ కాంబో సీన్స్ ఫ్యాన్స్ కి ఫీస్ట్ అని అంటున్నారు.

ఇది కూడా చదవండి: బాలయ్య ఫ్యాన్స్ కి ఊహించని షాక్!

మొత్తానికి 'మన శంకర వరప్రసాద్ గారు' అసలుసిసలైన పండగ సినిమాలున్నాయి, ఫ్యామిలీ ఆడియన్స్ ఈ సినిమాకి బ్రహ్మరథం పట్టే అవకాశముందనే మాట వినిపిస్తోంది.