భారతీయ సినీ చరిత్రలోనే భారీ బడ్జెట్‌తో వస్తున్న 'రామాయణ' సినిమా క్రేజ్ ఇప్పుడు సరిహద్దులు దాటేసింది. మన దేశంలోనే కాకుండా దాయాది దేశం పాకిస్థాన్‌లోనూ ఈ సినిమా గురించి చర్చ నడుస్తుండటం ఇప్పుడు పెద్ద టాపిక్‌గా మారింది. రణ్‌బీర్‌ కపూర్‌ రాముడిగా, సాయిపల్లవి సీతమ్మగా, కన్నడ స్టార్‌శ్ రావణాసురుడిగా నటిస్తున్న ఈ దర్శకుడు నితేశ్‌ తివారీ అత్యంత ప్రతిష్టాత్మకంగా తెరకెక్కించారు. నవంబరు 5న ప్రపంచవ్యాప్తంగా థియేటర్లలోకి రాబోతున్న ఈ సినిమా అడ్వాన్స్ బుకింగ్స్ జోరుగా సాగుతుండగా.. పాకిస్థాన్‌లోని హిందువులు చేస్తున్న సంబరాలు ఇప్పుడు నెట్టింట తెగ వైరల్ అవుతున్నాయి.

పాకిస్థాన్‌లోని కరాచీ నగరానికి చెందిన సుమిత్ చంద్ర అనే యూట్యూబర్ పోస్ట్ చేసిన వీడియో ఇప్పుడు సోషల్ మీడియాలో అందరి దృష్టినీ ఆకర్షిస్తోంది. అక్కడ ఉండే స్థానిక హిందువులు ఓ గుడిలో 'రామాయణ' సినిమా పోస్టర్‌ను పెట్టి, ప్రత్యేకంగా పూజలు చేస్తూ తమ సంతోషాన్ని పంచుకున్నారు. “పాకిస్థాన్‌లో ఉంటున్న మాకు 'రామాయణం' అనేది కేవలం ఒక సినిమా మాత్రమే కాదు. తరతరాలుగా మా రక్తంలో కలిసిపోయిన సంస్కృతి, ఆచారం. ఈ సినిమా ప్రపంచవ్యాప్తంగా ఘన విజయం సాధించాలి” అంటూ వాళ్లు ఎమోషనల్ అయ్యారు.

ప్రపంచవ్యాప్తంగా ఎన్నో దేశాల్లో, విభిన్న భాషల్లో ఈ సినిమా విడుదల చేస్తే తాజాగా.. పాకిస్థాన్‌లో కూడా విడుదలవుతుందా అన్నది ఆసక్తికరంగా మారింది. భారత్, పాక్ మధ్య ఉన్న ఉద్రిక్తతల వల్ల అక్కడ భారతీయ సినిమాల రిలీజ్‌లకు ఎన్నో అడ్డంకులు ఉన్నాయి. ఒప్పందం నిర్మాత నమిత్ మల్హోత్రా టీమ్ నుంచి ఇప్పటి వరకు ఎలాంటి అధికారిక ప్రకటన బయటికి రాలేదు. అయితే అక్కడ రిలీజ్ అవుతుందా లేదా అన్న సంగతి పక్కనపెడితే.. పాక్ గుడిలో రామాయణ పోస్టర్ పెట్టి పూజలు చేసేంతలా సినిమాపై క్రేజ్ ఉండటం విశేషం అని నెటిజన్లు కామెంట్స్ చేస్తున్నారు.