విశ్వనగరం ​​హైదరాబాద్‌లో వైద్య నిబంధనలకు విరుద్ధంగా సాగుతున్న అక్రమ దందాలు ఒక్కొక్కటిగా వెలుగు చూస్తున్నట్లు బెంబేలెత్తుతోంది. ప్రజల ప్రాణాలతో చెలగాటమాడుతూ, ఆర్థిక ఇబ్బందుల్లో ఉన్న అమాయక యువతను లక్ష్యంగా చేసుకుని గుట్టు చప్పుడు కాకుండా నడుపుతున్న మరో అక్రమ ఫెర్టిలిటీ రాకెట్‌ను పోలీసులు రట్టు చేశారు.

హైదరాబాద్‌లోని సరూర్‌నగర్ పోలీస్ స్టేషన్ పరిధిలో ఈ అక్రమ నెట్‌వర్క్ గుట్టురట్టయింది. సరూర్‌నగర్ తహసీల్దార్ కార్యాలయానికి కూతవేటు దూరంలో ఉన్న ఒక నివాసంలో అసాధారణ కార్యకలాపాలు సాగుతున్నట్లు పక్కా సమాచారంతో పోలీసులు శనివారం (అక్టోబర్ 31) ఆకస్మికంగా ఆ నివాసంపై దాడి చేశారు.

ఈ ఆకస్మిక తనిఖీల్లో అక్కడ అనుమానస్పద రీతిలో తలదాచుకున్న 18 మంది యువతులను పోలీసులు అదుపులోకి తీసుకున్నారు. ప్రాథమిక విచారణలో వీరంతా ఆర్థిక ఇబ్బందుల్లో ఉన్న కాలేజీ విద్యార్థులు, నిరుపేద యువతగా పేర్కొన్నారు. సులభంగా డబ్బు సంపాదించడానికి ఆశ చూపించి, ఈ ముఠా సభ్యులు వారి బలహీనతను ఆసరాగా చేసుకునే నిబంధనలకు విరుద్ధంగా వారి అండాలను (Oocytes) సేకరిస్తున్నట్లు పేర్కొన్నారు. ఇలా సేకరించిన అండాలను ప్రస్తుతం అనధికారిక ఐవీఎఫ్ సెంటర్లు, ప్రైవేట్ ఆసుపత్రులకు భారీ మొత్తాలకు విక్రయిస్తున్నట్లు ఆధారాలు లభించాయి.

బేగంపేట, ప్రకాష్ నగర్ వంటి ప్రాంతాల్లో ఇలాంటి అక్రమ గ్యాంగ్‌ల గుట్టు రట్టయిన గంటల వ్యవధిలోనే సరూర్‌నగర్‌లో మరో అక్రమ దందా వెలుగులోకి రావడం ఆందోళన కలిగిస్తోంది.

ఈ ఘటనపై యువతి కేసు నమోదు చేసి, అదుపులోకి తీసుకున్న పోలీసులు విచారిస్తున్నారు. ఈ అక్రమ నెట్‌వర్క్ వెనుక అసలు సూత్రధారులు ఎవరు, ఏయే ప్రముఖ ఆసుపత్రులు, ఐవీఎఫ్ సెంటర్లు ఈ ముఠాతో చేతులు కలిపాయి అనే కోణంలో లోతైన దర్యాప్తు ముమ్మరం చేశారు.

[Saroornagar Illegal Oocyte Donation Racket, Police Busted, Oocyte Scam, Telugu One]