వైపరీత్యాలకు సంబందించిన హెచ్చరికలను ప్రకృతి ముందుగానే తెలియజేస్తుంది. ఔను ప్రకృతి మనవుడితో సంభాషిస్తుంది. ప్రకృతి వైపరీత్యాలకు సంబంధించిన హెచ్చరికలను జారీ చేస్తూనే ఉంటుంది. అయితే మనిషి మేధ ఆ హెచ్చరికలను అర్ధం చేసుకునే నేర్పు సంతరించుకోవాల్సి ఉంది. పూర్వీకులు చెట్లను, జంతువులను, కీటకాలను గమనించి రానున్న విపత్తులను అంచనా వేశారు. ఆ అంచనాలు దాదాపు కచ్చితంగా ఉండేవి. పర్యావరణంలో వచ్చే చిన్న చిన్న మార్పులను, భూగర్భంలో జరిగే అలజడిని మనుషుల కంటే ముందుగా వృక్షజాలం పశుపక్ష్యాదులు పసిగడతాయని శాస్త్రీయ అధ్యయనాలు జరుగుతున్నాయి. జీవన పోరాటంలో భాగంగా అవి ప్రదర్శించే విచిత్రమైన ప్రవర్తనా మార్పులు ప్రమాదాలకు హెచ్చరికలుగా మన పూర్వీకులు గుర్తించగలిగే వారు.
వాతావరణంలో తలెత్తే మార్పులు, ముఖ్యంగా కరవు పరిస్థితులు, ఎల్-నినో ప్రభావం వంటి కొన్ని వృక్షాలు చాలా ముందుగానే అంచనా వేస్తున్నట్లు పరిశోధనలు తేల్చాయి. ఉదాహరణకు చెప్పుకోవాలంటే.. నేరేడు చెట్లు భూగర్భ జలాల మట్టాన్ని పసిగట్టగలుగుతాయి. వీటి వేర్లు భూమిలోకి అసాధారణ లోతు వరకు చొచ్చుకుపోతాయి కాబట్టి, భూగర్భ జలాలు అడుగంటుతున్న తరుణంలో ఈ చెట్లకు ప్రమాద సంకేతాలు అందుతాయి. వెంటనే అవి సాధారణ వృద్ధిని నిలిపివేసి, తమలోని పూర్తి శక్తిని కాయలు కాయడానికి కేటాయిస్తాయి. ఫిబ్రవరి లేదా మార్చి మాసాలలోనే చెట్టు నిండా నేరేడు కాయలు కనిపించి, వాటి సైజు చిన్నగా ఉంటే ఏడాది తీవ్ర వర్షాభావ పరిస్థితులు ఏర్పడతాయనీ, కరవు ముప్పు పొంచి ఉందనీ సంకేతంగా పర్యావరణ నిపుణులు చెబుతున్నారు. దీన్ని వృక్షశాస్త్రంలో ఒత్తిడి ఫ్రూటింగ్ అంటారు. మీరు గమనించి ఉంటే ఈ ఏడాది మార్చి నెల కంటే ముందే మార్కెట్లోకి నేరేడు పండ్లు తామరతంపరగా వచ్చాయి. ఏటా వచ్చే సీజన్ కంటే ముందుగానే నేరేడు కాపు విరగకాయడం, అలాగే వాటి సైజు చిన్నగా ఉండటం గమనించే ఉంటారు. అంటే వేసవి కంటే ముందే నేరేడు వృక్షాలు రానున్న వర్షాభావ పరిస్థితిని ఎలుగెత్తి చాటాయి.
.webp)
ఇక చింత, వేప చెట్లు కూడా కరువు పరిస్థితులను ముందుగానే సంకేతాల రూపంలో వెల్లడిస్తాయి. సాధారణంగా ఉగాది పర్వదినం తర్వాత కొత్త చిగుళ్లు తొడిగే చింత చెట్లు వచ్చే ఏడాది ఉగాది కంటే ముందే లేత ఆకులు, పూతతో ముందస్తు సంకేతాలు ఇస్తాయి. భూగర్భంలో నీటి మట్టాలు భారీగా పడిపోయినప్పుడు చెట్టు తన చివరి ప్రయత్నంగా విత్తనోత్పత్తిని పెంచుతుంది. అలాగే వేప చెట్లు డిసెంబర్, జనవరి మాసాల్లోనే భారీగా పూత పూసినట్లు, ఆ గింజల్లో నూనె శాతం తగ్గిపోతుంది. నీటి కొరతను తట్టుకునేందుకు చెట్టు నూనె తయారీని నిలిపివేసి తేమను ఆదా చేసుకుంటుంది. తుమ్మ చెట్లు సైతం నీటి ఎద్దడి తీవ్రమైనప్పుడు ఆకుల ఎంపిక రాల్చేసి, కేవలం ముళ్లతో మిగిలిపోతుంది. అయినా తుమ్మ కాయలు విపరీతంగా కాస్తాయి. ఇలాంటి మార్పులతో చెట్లు ముందస్తుగానే వర్షభావ పరిస్థితులకు సంబంధించిన సంకేతాలు ఇస్తాయి. వాటిని గమనించి, తదనుగుణంగా ముందస్తు జాగ్రత్తలు తీసుకోవాల్సిన బాధ్యత మనిషిదే.
అదే విధంగా అతివృష్టి, వరదలు, తుపానుల రాకను కూడా ప్రకృతి ముందుగానే హెచ్చరిస్తుందని పర్యవరణ నిపుణులు చెబుతున్నారు. ఉదాహరణకు మర్రి చెట్లు వరద ముప్పుకు ముందు తమ ఊడల వ్యవస్థను వేగంగా విస్తరిస్తాయి. గాలిలో తేమ శాతం విపరీతంగా పెరగడం, భూమిలో నీటి నిల్వలు పెరిగిన సందర్భంలో ఆ అదనపు తేమను గ్రహించేందుకు ఊడలు వేగంగా నేలలోకి చొచ్చుకుపోతాయి. ఇక కొబ్బరి చెట్లు భారీ వర్షాలు కురిసే ముందు తమ ఆకుల రంగును ముదురు ఆకుపచ్చగా మార్చుకుంటాయి. కాయలు కూడా పెద్దవిగా, నీటితో నిండిపోతాయి. ఇటు ఈశాన్య రాష్ట్రాల్లో వెదురు చెట్లు సామూహికంగా పూత పూయడం ఒక పెద్ద విపత్తుకు సంకేతంగా భావిస్తున్నారు. సాధారణంగా దశాబ్దాల పాటు పూయని వెదురు అకస్మాత్తుగా ఒకే పూసి నశించిపోతే, ఆ ప్రాంతంలో ఒకటి రెండు సంవత్సరాలలో తీవ్రమైన వరదలు లేదా తుపానులు సంభవిస్తాయని ప్రజల నమ్మకం.
ఇక పోతే భూకంపాలు పెను తుపానుల సమయంలో వాతావరణ పీడనంలో జంతువులు, పక్షులు, తక్షణమే స్పందించాయి. భూకంపాలు సంభవించే ముందు భూగర్భం నుంచి రాడాన్ అనే ప్రత్యేక వాయువు విడుదలవుతుంది. దీని ప్రభావంతో యూకలిప్టస్, పైన్ వంటి చెట్ల ఆకులు అకస్మాత్తుగా పసుపు రంగులోకి మారిపోతాయి. అలాగే విద్యుత్ క్షేత్రాల మార్పుల వల్ల రావి చెట్ల ఆకులు ఒకదానికొకటి అతుక్కుపోయి శబ్దం చేయడం మానేస్తాయి. తుపాను రాకకు రెండు రోజుల ముందే తాటి చెట్ల మట్టలు రెపరెపలాడడం ప్రారంభిస్తాయి. వాతావరణ పీడనం ఒక్కసారిగా పడిపోవడమే దీనికి ప్రధాన కారణం. కానుగ చెట్ల పువ్వులు తుపానుకు ముందస్తు రోజు సాయంత్రం వేళల్లో రాలిపోతాయి. ఇక జంతువుల విషయానికి వస్తే.. కుక్కలు అరిచి గోల చేయడం, పాములు పుట్టలు వీడి బయటికి రావడం, చేపలు నీటికి ఎగిరిపడడం వంటి సంకేతాలతో విపత్తుల గురించిన ముందస్తు హెచ్చరికలు. గత కాలంలో మన పెద్దలు ప్రకృతి చేసే ఈ ముందస్తు హెచ్చరికలను బట్టి అప్రమత్తమయ్యే వారు.
ప్రకృతి ప్రకోపానికి బలి కాకుండా ఉండాలంటే పర్యావరణంలోని మార్పులపై కన్నేసి ఉంచాలని, ముఖ్యంగా గ్రామీణ ప్రాంతాల వృక్షాలు, జంతువుల ప్రవర్తనలో వచ్చే సూక్ష్మ నైపుణ్యాలను విస్మరించకూడదని పర్యావరణ నిపుణులు చెబుతున్నారు. ముందస్తు అప్రమత్తతే విపత్తుల నుంచి కాపాడే రక్షణ కవచమని అంటున్నారు.
[Nature Early Caution On Natural Disasters, Signs, Trees, Animals, Birds, Weather Changes,Telugu One]
