న్యూజిలాండ్ గడ్డపై హామిల్టన్ వేదికగా జరుగుతున్న ఐదో ఆఖరి టీ20 మ్యాచ్‌లో భారత యువ జట్టు అదరగొట్టింది. టాస్ ఓడి మొదట బ్యాటింగ్‌కు దిగిన నిర్ణీత 2 ఓవర్లలో 8 వికెట్ల నష్టానికి 191 పరుగులు. దీంతో ఆతిథ్య కివీస్ జట్టు ముందు 192 పరుగుల భారీ లక్ష్యాన్ని నిలిపింది. ప్రారంభంలో తక్కువ పరుగులకే కీలక వికెట్లు కోల్పోయిన, మిడిలార్డర్ బ్యాటర్లు చూపిన పోరాటపటిమ జట్టును గౌరవప్రదమైన భారీ స్కోరు మార్కు వైపు తీసుకువెళ్లింది.
మ్యాచ్ ప్రారంభమైన వెంటనే భారత ఆట తడబడింది. ఓపెనర్లుగా బరిలోకి దిగిన సంజు శాంసన్ కేవలం 4 పరుగులు మాత్రమే చేసి వెనుదిరగగా, మరో ఓపెనర్ అభిషేక్ శర్మ కేవలం 1 పరుగుకే పెవిలియన్ చేరాడు. కేవలం 19 పరుగులకే 2 వికెట్లు కోడి జట్టు కష్టాల్లో పడింది. ఈ తరుణంలో బాధ్యత తీసుకున్న వికెట్ కీపర్ బ్యాటర్ ఇషాన్ కిషన్ కెప్టెన్ శ్రేయస్ అయ్యర్ అద్భుతమైన భాగస్వామ్యంతో ఇన్నింగ్స్‌ను చక్కదిద్దారు. ఈ జోడి కివీస్ బౌలర్లపై విరుచుకుపడుతూ మూడో వికెట్‌కు కేవలం 43 బంతుల్లోనే 93 పరుగుల కీలక భాగస్వామ్యాన్ని నమోదు చేసింది.
ఇషాన్ కిషన్ మైదానం నలువైలా షాట్లు బాదుతూ అత్యధిక స్కోరు సాధించాడు. కేవలం 32 బంతుల్లోనే 5 ఫోర్లు, 5 భారీ సిక్సర్ల సాయంతో 61 పరుగులు పిండుకున్నాడు. ఇషాన్ స్ట్రైక్‌రేట్ ఏకంగా 190.63గా నమోదైంది. మరోవైపు కెప్టెన్ శ్రేయస్ అయ్యర్ మరింత దూకుడును ప్రదర్శించాడు. కేవలం 23 బంతుల్లోనే 3 ఫోర్లు, 4 గగనకోట సిక్సర్లతో సరిగ్గా 50 పరుగులు చేసి హాఫ్ సెంచరీ సాధించాడు. శ్రేయస్ స్ట్రైక్‌రేట్ 217.39గా ఉంది. వీరిద్దరూ అవుట్ అయిన తర్వాత క్రీజులోకి వచ్చిన మిడిలార్డర్ బ్యాటర్లు కూడా వేగంగా ఆడే ప్రయత్నం చేశారు.
చివర్లో నమన్ ధీర్ మరింత ధాటిగా ఆడి జట్టు స్కోరును మరింత ముందుకు తీసుకెళ్లాడు. నమన్ ధీర్ 23 బంతుల్లో 4 ఫోర్లు, 1 సిక్సర్‌తో 33 పరుగులు చేశాడు. అలాగే నితీష్ కుమార్ రెడ్డి 17 బంతుల్లో 22 పరుగులు జోడించాడు. లోయర్‌ ఆర్డర్‌లో భువనేశ్వర్ కుమార్ 4 బంతుల్లో 6 పరుగులు రాబట్టాడు. తిలక్ వర్మ 8 బంతుల్లో 6 పరుగులు చేసి అవుట్ అయ్యాడు. చివర్లో భారత్ కొన్ని వికెట్లు కోల్పోయింది, ఇషాన్ కిషన్ శ్రేయస్ అయ్యర్ చెలరేగడంతో స్కోరు బోర్డు 190 పరుగుల మైలురాయిని దాటింది. న్యూజిలాండ్ బౌలర్లలో ఆడమ్ మిల్నే అత్యధికంగా 4 వికెట్లు పడగొట్టగా, నాథన్ స్మిత్ 2, బ్లెర్ టిక్నెర్ 2 వికెట్లు తమ ఖాతాలో వేసుకున్నారు. మరి ఈ 192 పరుగుల లక్ష్యాన్ని కివీస్ ఛేదిస్తుందా లేక భారత బౌలర్లు కట్టడి చేస్తారా అనేది ఇప్పుడు సర్వత్ర ఉత్కంఠ రేపుతోంది.
[ IND vs NZ 5th T20, Ishan Kishan 61 runs, Shreyas Iyer captain knock, Seddon Park Hamilton, India vs New Zealand live, T20 cricket match score, Telugu One, Telugu News ]
